Hausa Articles

Fassarar Mafarkin Mutuwa

Mafarkin Mutuwa

Watakila Kayi Mafarkin Mutuwa, Kuma Kana Tambayar Menene Fassarar Mafarkin Mutuwa? Insha Allahu A Wannan Shafi Zai Fassara Ma’anar Mafarkin Mutuwa Da Abinda Take Nufi. Don Haka Ka Kasance Damu A Shafin Hausa Cinema, Domin Samun Ilimi Akan Fassarar Mafarkai Kyauta.

Da Farko Kafin Mu Fara Fassara Mafarkin Mutuwa, Yana Da Kyau Mu Sani Cewa; Ba Kowane Mafarki Bane Yake Zama Gaskiya. Haka Zalika Kuma Ba Ko Wane Mafarki Bane Yake Tafiya A Banza. Don Haka Yana Da Kyau Ka Lura, A Duk Lokacin Da Kayi Mafarki Ka Duba Ka Gano Cewa Mai Kyau Ce, Sai Kayi Sadaka Ka Nemi Ubangiji Da Yasa Wannan Mafarki Ya Kasance Alheri Ne A Gare Ka.

Menene Fassarar Mafarkin Mutuwa

Mafarkin Mutuwa Yawanci Alamar Gyara Ne Da Allah Yake Yiwa Mutum A Duniya. Musamman Idan Akace Kayi Mafarkin Kaine Ka Mutu.

Idan Kuma Kayi Mafarkin Dan Fursin (Prison) Ya Mutu, To Hakan Na Nuni Da Cewa Lokacin Fitowarsa Ya Kusa. Ko Kuma Kaine Kana Gidan Yari Kayi Mafarkin Ka Mutu To Hakan Na Nufin Zaka Fita Daga Gidan Yari.

Idan Kuma Kayi Mafarkin Wani Wanda Ya Bata, Ko Anjima Ba’a Gansa Ba Ana Nemansa, To Mafarkin Tana Nufin Cewa Zai Dawo.

Mafarkin Ka Mutu

Fassarar Mafarkin Mutuwa

Idan Kayi Mafarki Ka Mutu, To Hakan Yana Nuna Cewa Akwai Rauni A Cikin Addininka. Ko Ta Bangaren Sallah, Zakkah Azumin Da Sauransu. Haka Zalika Idan Kayi Mafarki Ka Mutu, To Hakan Na Kasancewa Kana Barna A Cikin Addininka.

Idan Kuma Kayi Mafarkin Ka Mutu Akayi Ta Kuka, To Hakan Na Nufin Akwai Cigaba, Ko Nasara Da Take Zuwa Maka. Idan Kuma Kayi Mafarkin Ka Mutu An Binneka To Wannan Mummunan Mafarkine Da Ba’a Fatansa. Amma Matukar Kayi Mafarki Ka Mutu Amma Ba’a Binne Ka Ba, Sai Ka Tashi To Hakan Na Nufin Akwai Matsala Cikin Bautar Ubangijin Ka.

Watakila Ko Kayi Mafarkin Ka Mutu, Amma Kuma Babu Wata Alama Ta Mutuwar. To Hakan Na Nufin Cewa Wani Shashi Daga Muhallin Ka ZaI Rushe, Ko Kuma Kana Da Girman Kai Cikin Addininka.

Haka Zalika Idan Kayi Mafarkin Ka Mutu, To Tsawon Rai Zakayi. Amma Saidai Ba’a Fiya Fassara Mafarkin Ka Mutu Da Wannan Ba.

Idan Kayi Mafarkin Ka Mutu Kuma Za’a Iya Fassara Shi Da Cewa Zaka Shiga Yanayi Na Bukata, Ko Kuma Aure.

Idan Kayi Mafarki Ka Mutu Amma Ba’a Binneka Ba, An Dauke Ka Za’a Binneka Amma Ba’ayi Ba. To Hakan Na Nufin Zakayi Nasara Akan Makiyanka Ko Abokan Gaba A Wannan Lokaci.

Har Wa Yau, Idan Kayi Mafarkin Ka Mutu, Sai Kuma Ka Ganka Tsirara A Cikin Mafarkin, To Wannan Haline Na Kunci Da Mutum Zai Shiga Ko Kuma Halin Matsi Da Damuwa.

Idan Kuma Kayi Mafarkin Ka Mutu Ka Tashi, To Wannan Mafarki Tana Nufin Cewa Insha Allahu Rayuwar Ka Zata Tashi Daga Yanayin Da Take Na Rashin Jin Dadi Ko Talauci, A Samu Wadata. Ko Kuma Wani Zunubi Ne Da Kake Aikatawa Zaka Daina Ka Tuba.

Mafarki Mutuwa Daliline Na Alheri Ga Wanda Yake Cikin Tsoro Ko Damuwa. Kai Da Kake Cikin Kunci Ko Damuwa, Idan Kayi Mafarkin Ka Mutu, To Hakan Na Nufin Zaka Tsira Daga Wannan Damuwa Ko Tsoro.

Wanda Yayi Mafarkin Yan Uwansa Sun Mutu, Ko Kuma Wani Daga Cikin Dan Uwansa Ya Mutu. To Wannan Na Nuni Da Cewa Wani Daga Cikin Masu Kinka, Ko Yi Maka Hassada, Wani Abu Mummuna Zai Samesu.

Idan Kayi Mafarkin Kana Cikin Mutanen Da Suka Mutu, A Cikinsu Kai Kadaine Rayayye. To Wannan Yana Nufin Cewa Kana Tare Da Munafukai, Da Kuma Magulmata A Kusa Da Kai.

Idan Kuma Kayi Mafarkin Kana Wanke Wanda Ya Mutu, Ko Kuma Kana Yiwa Gawa Wanka. To Insha Allahu Zaka Warke Daga Damuwar Dake Damunka Na Rayuwa.

Idan Kuma Kayi Mafarkin Wani Mamaci A Matsayin Ya Tashi Kuna Rayuwa Tare. To Hakan Na Nufin Cewa Akwai Wata Harka Taka Da Taja Baya Zata Cigaba Tayi Sama.

Idan Kayi Mafarkin Ka Tada Matacce, To Fassarar Mafarkinnan Na Nufin Wani Zai Shiryu Ta Dalilinka. Ko Muslunta, Ko Dan Bidi’a Ya Daina Bidi’arsa, Ko Kuma Wanda Yake Aikata Mummunar Aiki Ya Daina.

Idan Kaga Wani Daban A Cikin Mafarkinka Yana Baiwa Matacce Kayan Ci (Abinci) Ko Kayan Sha. To Wannan Mutumin Da Ka Gani Yake Bada Abincin, Zai Shiga Asara Na Kudi. Idan Kuma Mamacin Ya Bashi Abinci, To Zai Samu Karuwa A Cikin Kudadensa.

Wanda Yayi Mafarkin Mamaci Ya Rike Hannunsa, To Hakan Na Nufin Dukiyace Zata Shigo Masa Ta Hanyar Da Bai Taba Tsammani Ba.

Idan Kayi Mafarki Kana Hira Da Wadanda Suka Mutu, To Hakan Na Nufin Zakayi Tsawon Rai. Ko Kuma Kayi Mafarkin Mamata Suna Baka Kyauta To Wannan Arziki Ne.

Wanda Yayi Mafarkin Dan Uwansa  Mara Lafiya Ya Mutu,To Wannan Ana Nuna Masa Cewa Mutuwarsa Ta Matso Ne.

Wanda Yayi Mafarkin Mahaifiyarsa Ta Mutu To Ya Kame Da Addu’a Da Kuma Sadaka. Domin Hakan Na Nufin Wata Masifa Zata Shige Shi, Ko Kuma Dai Zai Gamu Da Wata Mummunar Dabi’a Da Bai Da Shi.

Wanda Yayi Mafarkin Matarsa Ta Mutu Shima Yayi Korarin Yin Addu’o’I Da Sadaka. Domin Hakan Na Nufin Sana’arsa Da Yakeyi Zata Wargaje Taja Baya.

Mafarkin Wanda Ya Mutu

Idan Kayi Mafarkin Wanda Ya Mutu Kun Hadu Sai Kuma Yace Maka ‘Bai Mutu Ba’, To Wannan Yana Nufin Ya Samu Rahama. Idan Kuma Kayi Mafarkin Wanda Ya Mutu Baida Lafiya, To Hakan Na Nuni Da Cewa Addininka Akwai Matsala.

Idan Kayi Mafarkin Wanda Ya Mutu Yana Bada Wata Labari Akansa, Ko Akan Wani. To Hakika Wannan Magana Da Yayi Gaskiya Ce. Domin Abinda Mamaci Ya Fada A Cikin Mafarki To Malaman Fassara Mafarki Sukace Wannan Magana Da Yayi Gaskiya Ce. Ko Misali Kayi Mafarkin Mamaci Yana Dariya Cikin Kyakkyawar Kamanni, To A Wannan Halin Yake.

Idan Kuma Kayi Mafarkin Kana Yiwa Gawa Sallah, To Hakan Na Nufin Zakayiwa Wani Wanda Baya Jin Magana Wa’azi. Maganar Da Kake Fada Masa Bazata Amfane Shi Ba.

Idan Kuma Kayi Mafarkin Danka (Yaronka) Ya Mutu, To Hakan Na Nufin Zaka Tsira Daga Wani Makiyinka. Ko Wani Abu Ya Sameshi, Ko Ya Mutu, Ko Kuma Dai Ya Daina Kinka Sakamakon Kafi Karfinsa.

Idan Mara Lafiya Yayi Mafarkin Yayi Aure, To Kamar Yadda Malaman Fassara Mafarki Sukace, Lokacinsa Ya Kusa Na Mutuwa.

Idan Kayi Mafarkin Wanda Ya Mutu Ya Baka Kyautar Riga Mai Datti Ko Mara Kyau, To Ba Talauci Ne Ko Rashin Nasara Zata Bika.

Idan Kuma Kayi Mafarkin Wanda Ya Mutu Yana Dukanka, To Wannan Na Nufin Zaka Samu Alheri Daga Wani Waje.

Fassarar Mafarkin Mutuwa A Musulunci

Muna Fata Wadannan Fassara Da Muka Kawo Zasu Amfani Duk Wani Wanda Ya Karanta. Daga Karshe Muna Yiwa Yan Uwa Tuni Da Cewa ‘Ita Mafarki Ba Kowacce Bace Gaskiya’. Akwai Mafarkin Da Basu Da Ma’ana, Akwai Kuma Masu Ma’ana.

Haka Zalika Idan Kayi Mafarki Mara Kyau, Kayi Kokari Ka Bita Da Addu’a Da Kuma Sadaka Saboda Ka Samu Sauki. Idan Kuma Nuna Maka Mummunan Abu Akeyi, Sai Kayi Gaggawa Ka Gyara Tun Kafin Ka Mutu, Allah Ne Yake Sonka Da Shiriya. Idan Kuma Kyakkyawane, To Ka Sani Wannan Ba Banza Bane, Allah Na Nuna Maka Cewa Karbabbiya Ce, Don Haka Saika Dage Ka Kara Aikata Kyawawan Ayyuka.

Ga Masu Tambayar Fassarar Mafarkin Mutuwa  Kai Tsaye Ga Lambar WhatsApp: +2349080159252

5/5 - 1 Votes

Hausa Cinema

Hausa Cinema Language Is The Best Website In Africa Delivering The Latest News, Entertainment, Educational Articles And Many More About The Hausa People. Download Hausa Novels, Hausa Music, Hausa Videos, Mod Apks And Many More.

Leave a Reply

Your email address will not be published. Required fields are marked *

Related Articles

error: Alert: You Are Not Allowed To Copy Any Content From This Site!!